सांसद् साँवा नेपाल–भारत सीमामा पुगे

झापा, ९ बैशाख ।  झापा क्षेत्र नम्बर ४ का प्रतिनिधीसभा सदस्य एल पी सावाँ आज निर्वाचन क्षेत्र अन्तरगत पर्ने भारतसँग सीमा जोडिएको क्षेत्रमा पुगेर त्यहाँको अवस्था बारे स्थलगत जानकारी लिनु भएको छ । 
 आज दिउँसो गौरीगन्ज – १ महाभारास्थित भारतसँग सीमा क्षेत्र जोडिएको कुन्जिबारी बोर्डर आउट पोस्ट्मा पुगेर उहाँले त्यस क्षेत्रको नेपाल – भारत आवातजावतमा लगाईएको रोक कार्यन्वयनको अवस्था, सीमामा खटिएका सुरक्षाकर्मीहरुको अवस्था र तत्काल आवश्यक पर्ने सामानहरुको बन्दोबस्तीका विषयमा समेत जानकारी लिनु भएको हो ।

त्यस अवसरमा सशस्त्र प्रहरी बोर्डर आउट पोष्टका इन्चार्ज सशस्त्र प्रहरी निरीक्षक अगम राईले त्यस क्षेत्रको अवस्था र समस्याहरुका विषयमा जानकारी गराउनु भएको थियो । सांसद् सावाँले आफ्नो निर्वाचन क्षेत्र अन्तर्गतका स्थानीय तहहरुमा रहेका बिपन्न राहत कोषमा समान रुपले आफ्नो एक महिनाको तलब र सेवा सुबिधा बापतको रकम उपलब्ध गराउने पनि जानकारी गराउनु भएको छ । उहाँले आफ्नो क्षेत्रमा कुल ३० हजार सर्जिकल माक्स र सेनेटाइजर प्रदान गर्न समन्वयकारी भुमिका निर्वाह गरेको पनि बताउनुभयो ।

https://primefm.org.np/news-details/2181/2020-04-21