कन्काई नदी कटान नियन्त्रणका लागि टेन्डर आव्हान

२०८१ साल माघ २२ शिवासताक्षी -७, ब्याङडाँडा, झापा 

कन्काई नदीको कटानबाट प्रभावित क्षेत्रको समस्या समाधान गर्नका लागि माननीय एलपी साँवा ज्यूको विशेष पहलमा भेटघाट तथा छलफल भएको छ।

यसै सन्दर्भमा, कन्काई नदी नियन्त्रण कार्यका लागि आवश्यक प्रक्रिया अघि बढाउँदै २०८१ साल माघ ११ गते टेन्डर आव्हान भइसकेको छ। झापाको दुधे क्षेत्रमा यो टेन्डर प्रक्रिया सार्वजनिक रूपमा खुला गरिएको हो, जसअनुसार छिट्टै आवश्यक निर्माण कार्य प्रारम्भ हुने अपेक्षा गरिएको छ।

सरकार र सम्बन्धित निकायहरूलाई समयमै प्रभावकारी कदम चाल्न आग्रह गर्दै माननीय साँवा ज्यूले स्थानीयको सुरक्षाका लागि ठोस योजना लागू गर्न निरन्तर लागिपर्ने प्रतिबद्धता व्यक्त गर्नुभएको छ।