केही ठेकेदार र सरोकारवाला निकायका कारण झापाका दजनौं विकास निर्माणका काम प्रभावित बने : सांसद साँवा

काठमाडौं । प्रतिनिधि सभा बैठकको शुन्य समयमा बोल्दै सांसदहरुले जनजिविकाको विभिन्न विषयहरुमा सरकारको ध्यानाकर्षण गराएका छन् ।

आईतवार बसेको प्रतिनिधि सभा बैठकमा बोल्दै सांसदहरुले आ–आफ्नो निर्वाचन क्षेत्रमा विकास निर्माणको काममा भइरहेको ढिलाईको विषय उठाएका छन् भने जनजीविकाको सन्दर्भमा विभिन्न विषयहरु पनि उठाएका छन् ।

प्रतिनिधि सभा सदस्य एलपी साँवा लिम्बुले केहि ठेकेदार र सरोकारवाला निकायका कारण विकास निर्माणमा समस्या भएको बताउनु भएको छ ।

सांसद लिम्बुले ठेक्का दिने र लिनेको मिलेमतोका कारण विकास निर्माण प्रभावित हुन थालेको भन्दै सरकारको ध्यानाकर्षण गराउनु भएको हो ।

झापा क्षेत्र नम्बर ४ बाट निर्वाचित सांसद लिम्बुले झापामा सेटिङ्गमा काम गर्ने ठेकेदारका कारण झापामा दर्जनौं निर्माण कार्य प्रभावित भएको बताउनु भयो ।

Video